Definitu etiketa-area
Etiketa-area bat definitzeko elkarrizketa-koadro bat irekitzen du.
Aukeratu Orria - Izendatutako barrutiak eta adierazpenak - Etiketak.
Etiketa-area bateko gelaxka-edukiak formuletako izenak bezala erabil daitezke; izen horiek aurrez definitutako asteko egunen eta hilabeteen izenak bezalaxe ezagutzen ditu LibreOffice suiteak. Normalean automatikoki osatzen ditu formula batean idaztean. Gainera, etiketa-areek definitutako izenek lehentasuna izango dute automatikoki sortutako areek definitutako izenen aurrean.
Hainbat orritan etiketa berak dituzten etiketa-areak ezar daitezke. LibreOffice suiteak uneko orriko etiketa-areak bilatuko ditu lehendabizi, eta bilaketa horrek huts egiten badu, beste orrietako areak.
Area
Etiketa-area bakoitzaren gelaxka-erreferentzia erakusten du. Zerrenda-koadrotik etiketa-area bat kentzeko, hautatu eta egin klik Ezabatu botoian.
Txikiagotu / Maximizatu
Egin klik Txikiagotu ikonoan, elkarrizketa-koadroa sarrera-eremuaren neurrira txikitzeko. Horrela, hobeto markatu ahal izango duzu beharrezko erreferentzia, orrian. Ondoren, automatikoki ikonoa maximizatu egingo da. Egin klik bertan, elkarrizketa-koadroa jatorrizko neurrira itzultzeko.
Elkarrizketa-koadroa automatikoki txikiagotuko da, saguarekin orrian klik egitean. Saguaren botoia askatu bezain laster, elkarrizketa-koadroa leheneratu egingo da, eta saguarekin definitutako erreferentzia-area marko urdin batekin nabarmenduko da dokumentuan.
Zutabe-etiketak ditu
Uneko etiketa-areako zutabe-etiketak sartzen ditu.
Errenkada-etiketak ditu
Uneko etiketa-areako errenkada-etiketak sartzen ditu.
Datu-arearentzat
Hautatutako etiketa-areak zein datu-arearentzat balio duen zehazten du. Aldatu ahal izateko, egin klik orrian, eta hautatu saguarekin beste area bat.
Txikiagotu / Maximizatu
Egin klik Txikiagotu ikonoan, elkarrizketa-koadroa sarrera-eremuaren neurrira txikitzeko. Horrela, hobeto markatu ahal izango duzu beharrezko erreferentzia, orrian. Ondoren, automatikoki ikonoa maximizatu egingo da. Egin klik bertan, elkarrizketa-koadroa jatorrizko neurrira itzultzeko.
Elkarrizketa-koadroa automatikoki txikiagotuko da, saguarekin orrian klik egitean. Saguaren botoia askatu bezain laster, elkarrizketa-koadroa leheneratu egingo da, eta saguarekin definitutako erreferentzia-area marko urdin batekin nabarmenduko da dokumentuan.
Gehitu
Uneko etiketa-area gehitzen du zerrendan.
Ezabatu
Hautatutako elementuak ezabatzen ditu ekintza berretsi ondoren.