Finantza Funtzioak. Bigarren zatia
Atzera Finantza Funtzioen lehen zatira
Aurrera Finantza Funtzioen hirugarren zatira
CUMIPMT
Interes metatuaren ordainketa kalkulatzen du, hau da, interes-tasa konstantean oinarritutako inbertsiorako interes osoa.
Sintaxia
CUMIPMT(Tasa;NPER;pv;Hasiera;Amaiera;Modua)
Tasa: interes-tasa periodikoa da.
NPer: epealdi kopuru osoa barne hartzen duen ordainketa-epealdia. Balio ez-osoa ere izan daiteke NPER.
PV: ordainketa-sekuentzia baten uneko balioa.
S lehen epealdia da.
E azken epealdia da.
Modua: ordainketaren epemuga, epealdi bakoitzaren hasieran edo amaieran.
Adibidea
Zeintzuk dira interes-ordainketak, urteko interes-tasa periodikoa % 5,5 bada, hileroko ordainketen epealdia 2 urtekoa eta uneko eskurako balioa 5.000 moneta-unitatekoa? Hasierako epealdia 4.a da, eta amaierakoa 6.a. Ordainketa epealdi bakoitzaren hasieran egiten da.
=CUMIPMT(% 5,5/12;24;5000;4;6;1) = -57,54 moneta-unitate. 4. eta 6. epealdien arteko interes-ordainketak 57,54 moneta-unitatekoak dira.
CUMIPMT_ADD
Epealdi baterako metatutako interesa kalkulatzen du.
Sintaxia
CUMIPMT_ADD(Interesa;NPer;PV;HasierakoEpealdia;AmaierakoEpealdia;Modua)
Tasa: epealdi bakoitzeko interes-tasa.
NPer: ordainketa-epealdien kopuru osoa. Tasak eta NPER balioak unitate bera izan behar dute oinarri, eta, beraz, urteka edo hilabeteka kalkulatu behar dira biak.
PV: uneko balioa.
HasierakoEpealdia: kalkuluko lehen ordainketaren epealdia.
AmaierakoEpealdia: kalkuluko azken ordainketaren epealdia.
Modua: ordainketaren epemuga-data epealdiaren amaieran (Mota = 0) edo epealdiaren hasieran (Mota = 1).
Adibidea
Ondoko hipoteka-kreditua hartu da etxea ordaintzeko:
Tasa: Urteko ehuneko 9,00 (% 9 / 12 = 0,0075), epea: 30 urte (NPER = 30 * 12 = 360), Pv: 125000 moneta-unitate.
Zenbat interes ordaindu behar duzu hipoteka-kredituaren bigarren urtean (alegia, 13 eta 24 arteko epealdietan)?
=CUMIPMT_ADD(0,0075;360;125000;13;24;0): emaitza -11135,23.
Zenbat interes ordaindu behar duzu lehen hilabetean?
=CUMIPMT_ADD(0,0075;360;125000;1;1;0): emaitza -937,50.
CUMPRINC
Interes-tasa konstantea duen inbertsio batengatik denbora batean ordaindutako interes metatua ematen du.
Sintaxia
CUMPRINC(Tasa;NPER;PV;Hasiera;Amaiera;Modua)
Tasa: interes-tasa periodikoa da.
NPer: epealdi kopuru osoa barne hartzen duen ordainketa-epealdi. Balio ez-osoa ere izan daiteke NPER.
PV: ordainketa-sekuentzia baten uneko balioa.
S lehen epealdia da.
E azken epealdia da.
Modua: ordainketaren epemuga, epealdi bakoitzaren hasieran edo amaieran.
Adibidea
Zeintzuk dira amortizazio-kuotak, urteko % 5,5eko interes-tasa 36 hilabetekoa bada. Eskurako balioa 15.000 moneta-unitatekoa da. Amortizazio-kuota 10. eta 18. epealdien artean kalkulatzen da. Epemuga epealdiaren amaieran dago.
=CUMPRINC(% 5,5/12;36;15000;10;18;0) = -3669,74 moneta-unitate. 10. eta 18. epealdien arteko amortizazio-kuota 3669,74 moneta-unitate da.
CUMPRINC_ADD
Epealdi batean amortizatuko den maileguaren printzipal metatua ematen du.
Sintaxia
CUMPRINC_ADD(Interesa;NPER;PV;HasierakoEpealdia;AmaierakoEpealdia;Mota)
Tasa: epealdi bakoitzeko interes-tasa.
NPer: ordainketa-epealdien kopuru osoa. Tasak eta NPER balioek unitate bera izan behar dute oinarri, eta, beraz, urteka edo hilabeteka kalkulatu behar dira biak.
PV: uneko balioa.
HasierakoEpealdia: kalkuluko lehen ordainketaren epealdia.
AmaierakoEpealdia: kalkuluko azken ordainketaren epealdia.
Modua: ordainketaren epemuga-data epealdiaren amaieran (Mota = 0) edo epealdiaren hasieran (Mota = 1).
Adibidea
Ondoko hipoteka-kreditua hartu da etxea ordaintzeko:
Tasa: Urteko ehuneko 9,00 (% 9 / 12 = 0,0075), epea: 30 urte (ordainketa-epealdiak = 30 * 12 = 360), NPV: 125000 moneta-unitate.
Zenbat itzuli behar da hipoteka-kredituaren bigarren urtean (alegia, 13 eta 24 arteko epealdietan)?
=CUMPRINC_ADD(0,0075;360;125000;13;24;0): emaitza -934,1071 da.
Lehen hilabetean, kopuru hau itzuliko da:
=CUMPRINC_ADD(0,0075;360;125000;1;1;0): emaitza -68,27827 da.
DOLLARDE
Frakzio hamartar gisa emandako kotizazioa zenbaki hamartar bihurtzen du.
Sintaxia
DOLLARDE(Zenbakia;Frakzioa)
Zenbakia: frakzio hamartar gisa emandako zenbakia.
Frakzioa: frakzio hamartarraren izendatzaile gisa erabiltzen den osoko zenbakia.
Adibidea
=DOLLARDE (1,02;16) 1 eta 2/16 adierazten du. Horren emaitza 1,125 da.
=DOLLARDE (1,1;8) 1 eta 1/8 adierazten du. Horren emaitza 1,125 da.
DOLLARFR
Zenbaki hamartar gisa emandako kotizazioa frakzio hamartar misto bihurtzen du.
Sintaxia
DOLLARFR (zenbakia;frakzioa)
Zenbakia: zenbaki hamartarra.
Frakzioa: frakzio hamartarraren izendatzaile gisa erabiltzen den osoko zenbakia.
Adibidea
=DOLLARFR(1,125;16) hamaseiren bihurtzen du. 1 eta 2/16: emaitza 1,02 da.
=DOLLARFR(1,125;8) zortziren bihurtzen du. 1 eta 1/8: emaitza 1,1 da.
DURATION
Nahi den balioa lortzeko, inbertsio batek zenbat epealdi behar dituen kalkulatzen du.
Sintaxia
DURATION(RATE;PV;FV)
Tasa: konstante bat. Iraupen osorako (iraupen-denborarako) kalkulatuko da interes-tasa. Epealdiko interes-tasa lortzeko, kalkulatutako iraupenarekin zatitzen da interes-tasa. Errendimendua/12 gisa sartzen da urtesariaren barne-errendimendua.
PV: uneko balioa. Eskurako balioa eskudiruzko gordailua da edo jenerozko deskontuaren uneko eskurako balioa. Gordailu gisa balio positiboa sartu behar denez; gordailuak ezin du 0 edo 0 baino txikiagoa izan.
FV: espero den balioa. Gordailuarentzat nahi den (etorkizuneko) balioa adierazten du etorkizun balioak.
Adibidea
% 4,75eko interes-tasarekin, 25.000 moneta-unitateko eskurako balioaren eta 1.000.000 moneta-unitateko etorkizuneko balioaren emaitza 79,49 ordainketa-epealdiko iraupena da. Etorkizuneko balioa eta iraupena zatitzean lortutako emaitza da Ordainketa periodikoa, alegia, 1.000.000/79,49=12.850,20 kasu honetan.
MDURATION
Interes finkoko titulu baten Macauley iraupen aldatua (epea) kalkulatzen du urtetan.
Sintaxia
MDURATION(Likidazioa;Mugaeguna;Interes nominala;Etekina;Maiztasuna;Oinarria)
Likidazioa: balorea erosi zen data.
Mugaeguna: balorea mugaeguneratzen den data (iraungitze-data).
Tasa: urteko interes-tasa nominala
Etekina: tituluaren urteko etekina.
Maiztasuna: urteko interes-ordainketen kopurua (1, 2 edo 4).
Adibidea
Titulua 2001-01-01ean erosi da; mugaeguna 2006-01-01 da. Interes nominala % 8koa da. Etekina % 9,0 da. Interesak urtean birritan ordaintzen dira (hau da, maiztasuna 2 da). Eguneko amortizazio-kalkulua (3 oinarria) erabiliz, zein izango da iraupen aldatua?
=MDURATION("2001-01-01"; "2006-01-01"; 0,08; 0,09; 2; 3): 4,02 urte ematen du.
MIRR
Inbertsio sail baten barne-errendimenduaren tasa aldatua kalkulatzen du.
Sintaxia
MIRR(Balioak; Inbertsioa; BerrinbertsioTasa)
Balioak: ordainketen berri ematen duten gelaxken matrizeari edo gelaxka-erreferentziari dagozkio.
Inbertsioa: (matrizearen balio negatiboak) inbertsioen interes-tasa
BerrinbertsioTasa: berrinbertsioaren (matrizearen balio positiboen) interes-tasa da.
Adibidea
Demagun gelaxken edukia A1=-5, A2=10, A3=15 eta A4=8 eta 0,5eko inbertsio-balioa eta 0,1eko berrinbertsio-balioa dugula, orduan, % 94,16 izango da emaitza.
NOMINAL
Urteko interes-tasa nominala kalkulatzen du, interes-tasa efektibotik eta urteko epealdi konposatuen kopurutik abiatuta.
Sintaxia
NOMINAL(Tasa efektiboa;NperY)
Tasa efektiboa: interes-tasa efektiboa da.
NPerY urteko interes-ordainketen kopurua da.
Adibidea
Zein da urteko interes nominala % 13,5 interes-tasa efektiborako, hamabi ordainketa egiten badira urtean?
=NOMINAL(% 13,5;12) = % 12,73. Urteko interes nominalaren tasa % 12,73.
NOMINAL_ADD
Urteko interes-tasa kalkulatzen du tasa efektiboa eta urteko interes-ordainketen kopurua oinarri hartuta.
Sintaxia
NOMINAL_ADD(Tasa efektiboa;Npery)
Tasa efektiboa: urteko interes-tasa efektiboa.
NPerY urteko interes-ordainketen kopurua da.
Adibidea
Zein da % 5,3543eko interes nominalaren eta hiru hilean behingo ordainketaren urteko interes-tasa efektiboa?
=NOMINAL_ADD(% 5,3543;4) 0,0525 edo % 5,25.
NPV
Inbertsio baten uneko balio garbia kalkulatzen du, kutxa-mugimendu periodikoen serie batean eta deskontu-tasa batean oinarrituta. Uneko balio garbia eskuratzeko, kendu proiektuaren kostua (hasierako kutxa-mugimendua) itzulitako balioari.
Ordainketak tarte irregularretan badira, erabili XNPV funtzioa.
Sintaxia
NPV(Tasa; Balioa1; Balioa2;...; Balioa30)
Tasa: epealdi bakoitzeko interes-tasa.
Balioa1, Balioa2, ..., Balioa30: gordailuak edo diru-ateratzeak ordezten dituzten balioak dira, 30 balio arte.
Adibidea
Zein da ordainketa periodikoen uneko balio garbia 10, 20 eta 30 moneta-unitate eta % 8,75eko deskontu-tasarekin? Hasieran (denbora=0) kostuak -40 moneta-unitate modura ordaintzen ziren.
=NPV(% 8,75;10;20;30) = 49,43 moneta-unitate. Uneko balio garbia izango da itzulitako balioa ken 40 moneta-unitateko hasierako kostua, eta, beraz, 9,43 moneta-unitate.
PMT
Interes-tasa konstantea duen epealdi batean ordaindu beharreko zenbatekoa ematen du.
Sintaxia
PMT(Tasa; NPER; PV; FV; Modua)
Tasa: interes-tasa periodikoa da.
NPER: urtesaria ordaintzen den epealdien kopuru osoa.
PV: ordainketa-sekuentzia baten uneko balioa.
FV (aukerakoa): ordainketa periodikoen amaieran lortu nahi den balioa (etorkizuneko balioa).
Modua (aukerakoa): ordainketa periodikoen epemuga. Modua = 1 hasierako ordainketa, eta Modua = 0 epealdi bakoitzaren amaierako ordainketa.
LibreOffice Calc-eko funtzioetan, "aukerakoa" marka daukaten parametroak alde batera utz daitezke ondoren parametrorik ez dagoenean soilik. Adibidez, lau parametro dituen funtzio batean, funtzio horietako azken biek "aukerakoa" marka badaukate, 4. parametroa edo 3. eta 4. parametroa alde batera utz ditzakezu, baina ezin duzu alde batera utzi 3. parametroa bakarrik.
Adibidea
Zeintzuk dira ordainketa periodikoak urteko % 1,99ko interes-tasan, 3 urtekoa bada ordainketa-epealdia eta 25.000 moneta-unitatekoa eskurako balioa. 36 hilabete daude 36 ordainketa-epealdi gisa, eta epealdi bakoitzeko interes-tasa % 1,99/12 da.
=PMT(% 1,99/12;36;25000) = -715,96 moneta-unitate. Hileroko ordainketa periodikoa, beraz, 715,96 moneta-unitatekoa da.
PPMT
Ordainketa periodiko eta konstantean eta interes-tasa konstantean oinarritutako inbertsio baten kapitalaren ordainketa ematen du epealdi jakin bati dagokionez.
Sintaxia
PPMT(Tasa;Epealdia;NPER;PV;FV;Modua)
Tasa: interes-tasa periodikoa da.
Epealdia: amortizazio-epealdia da. P=1 lehen epealdirako, eta P=NPER azken epealdirako.
NPer: urtesaria ordaintzen den epealdien kopuru osoa.
PV: ordainketa-sekuentzia baten uneko balioa.
FV (aukerakoa): lortu nahi den (etorkizuneko) balioa.
Modua (aukerakoa): epemuga definitzen du. Mota = 1 mugaeguna epealdi-hasieran, mota = 0 epealdi-amaieran.
LibreOffice Calc-eko funtzioetan, "aukerakoa" marka daukaten parametroak alde batera utz daitezke ondoren parametrorik ez dagoenean soilik. Adibidez, lau parametro dituen funtzio batean, funtzio horietako azken biek "aukerakoa" marka badaukate, 4. parametroa edo 3. eta 4. parametroa alde batera utz ditzakezu, baina ezin duzu alde batera utzi 3. parametroa bakarrik.
Adibidea
Zenbatekoa da urteko % 8,75eko interes-tasako hileroko ordainketa periodikoa, 3 urteko denbora-tartean? Eskurako balioa 5.000 moneta-unitate da, eta epealdiaren hasieran ordaintzen da beti. Etorkizuneko balioa 8.000 moneta-unitatekoa da.
=PPMT(8,75%/12;1;36;5000;8000;1) = -350,99 moneta-unitate.
PRICE
Iragarpen-muga gisa 100 moneta-unitateko balioa duen interes finkoko titulu baten merkatu-balioa kalkulatzen du.
Sintaxia
PRICE(Likidazioa;Mugaeguna;Interesa;Etekina;Diru-itzulketa;Maiztasuna;Oinarria)
Likidazioa: balorea erosi zen data.
Mugaeguna: balorea mugaeguneratzen den data (iraungitze-data).
Tasa: urteko interes-tasa nominala (interes nominala)
Etekina: tituluaren urteko etekina.
Diru-itzulketa: 100 moneta-unitateko balio nominalarengatik itzuliko duten zenbatekoa.
Maiztasuna: urteko interes-ordainketen kopurua (1, 2 edo 4).
Adibidea
Titulua 1999.02.15ean erosi da; mugaeguna 2007.11.15 da. Interes nominala % 5,75ekoa da. Etekina % 6,5 da. Itzuliko den balioa 100 moneta-unitatekoa da. Interesak urtean birritan ordaintzen dira (hau da, maiztasuna 2 da). 0 oinarriko kalkuluarekin, hau izango da prezioa:
=PRICE("1999/2/15"; "2007/11/15"; 0,0575; 0,065; 100; 2; 0) emaitza 95,04287 da.
PRICEDISC
100 moneta-unitateko balio nominaleko eta interesik gabeko titulu baten prezioa ematen du.
Sintaxia
PRICEDISC(Likidazioa;Mugaeguna;Deskontua;Diru-itzulketa;Oinarria)
Likidazioa: balorea erosi zen data.
Mugaeguna: balorea mugaeguneratzen den data (iraungitze-data).
Deskontua: Titulu baten deskontua portzentaje gisa.
Diru-itzulketa: 100 moneta-unitateko balio nominalarengatik itzuliko duten zenbatekoa.
Adibidea
Titulua 1999.02.15ean erosi da; mugaeguna 1999.03.01 da. Interes nominala % 5,25koa da. Itzuliko den balioa 100 da. Kalkulua 2 oinarrian egitean, deskontu-prezioa hau izango da:
=PRICEDISC("1999-02-15"; "1999-03-01"; 0,0525; 100; 2) funtzioak 99,79583 itzultzen du.
PRICEMAT
Interesak mugaegunean ordaintzen dituen titulu baten prezioa ematen du, 100 moneta-unitateko balio nominala oinarri hartuta.
Sintaxia
PRICEMAT(Likidazioa;Mugaeguna;Jaulkipena;Tasa;Etekina;Oinarria)
Likidazioa: balorea erosi zen data.
Mugaeguna: balorea mugaeguneratzen den data (iraungitze-data).
Jaulkipena: tituluaren jaulkipen-data.
Tasa: tituluaren jaulkipen-dataren interes-tasa.
Etekina: tituluaren urteko etekina.
Adibidea
Likidazio-data: 1999ko otsailaren 15a; mugaeguna: 1999ko apirilaren 13a, jaulkipen-data: 1998ko azaroa. Interes-tasa: ehuneko 6,1; etekina: ehuneko 6,1; oinarria: 30/360 = 0.
Prezioa honela kalkulatzen da:
=PRICEMAT("1999-02-15";"1999-04-13";"1998-11-11"; 0,061; 0,061;0) funtzioak 99,98449888 itzultzen du.
SLN
Epealdi bateko amortizazioa kalkulatzen du zuzeneko metodoaren bidez. Amortizazioaren kopurua konstantea da amortizazio-epealdian zehar.
Sintaxia
SLN(Kostua;Hondar-balioa;Bizitza)
Kostua: aktiboaren hasierako kostua.
Hondar-balioa: aktiboari amortizazioaren (balio-bizitzaren) amaieran geratzen zaion balioa.
Bizitza: aktiboa amortizatzeko epealdi kopurua zehaztuko duen amortizazio-epealdia.
Adibidea
50.000 moneta-unitateko hasierako kostua duen Office ekipoa hilero amortizatu nahi duzu 7 urtez. Amortizazioa amaitutakoan, hondar-balioak 3.500 moneta-unitatekoa izan behar du
=SLN(50000;3,500;84) = 553,57 moneta-unitate. Hilero ekipoaren 553,57 moneta-unitate amortizatuko dira.
TBILLEQ
Altxor-letra baten urteko etekina kalkulatzen du. Altxor-letra bat likidazio-datan erosten da eta mugaegunean saltzen da balio nominalean. Mugaegunak urte berekoa izan behar du. Deskontu bat kentzen da erosketaren zenbatekotik.
Sintaxia
TBILLEQ(Likidazioa;Mugaeguna;Deskontua)
Likidazioa: balorea erosi zen data.
Mugaeguna: balorea mugaeguneratzen den data (iraungitze-data).
Deskontua: tituluaren deskontu-portzentajea.
Adibidea
Likidazio-data: 1999ko martxoaren 31; mugaeguna: 1999ko ekainaren 1a, deskontua: ehuneko 9,14.
Titulu bati dagokion altxor-letraren emaitza, honela lortzen da:
=TBILLEQ("1999-3-31";"1999-6-1"; 0,0914) emaitza 0,094151 edo ehuneko 9,4151 da.
TBILLPRICE
100 moneta-unitateko balio nominaleko altxor-letra baten prezioa ematen du.
Sintaxia
TBILLPRICE(Likidazioa;Mugaeguna;Deskontua)
Likidazioa: balorea erosi zen data.
Mugaeguna: balorea mugaeguneratzen den data (iraungitze-data).
Deskontua: tituluaren deskontu-portzentajea.
Adibidea
Likidazio-data: 1999ko martxoaren 31; mugaeguna: 1999ko ekainaren 1a, deskontua: ehuneko 9.
Altxor-letraren prezioa honela lortzen da:
=TBILLPRICE("1999-03-31";"1999-06-01"; 0,09) funtzioak 98,45 itzultzen du.
TBILLYIELD
Altxor-letra baten etekina ematen du.
Sintaxia
TBILLYIELD(Likidazioa;Mugaeguna;Prezioa)
Likidazioa: balorea erosi zen data.
Mugaeguna: balorea mugaeguneratzen den data (iraungitze-data).
Prezioa: altxor-letraren prezioa (erosketa-prezioa), 100 moneta-unitateko balio nominalari dagokiona.
Adibidea
Likidazio-data: 1999ko martxoaren 31; mugaeguna: 1999ko ekainaren 1a, prezioa: 98,45 moneta-unitate.
Altxor-letraren etekina honela lortzen da:
=TBILLYIELD("1099-3-31";"1999-06-01"; 98,45) emaitza 0,091417 edo ehuneko 9,1417 da.
YIELD
Balore baten etekina ematen du.
Sintaxia
YIELD(Likidazioa;Mugaeguna;Interesa;Prezioa;Diru-itzulketa;Maiztasuna;Oinarria)
Likidazioa: balorea erosi zen data.
Mugaeguna: balorea mugaeguneratzen den data (iraungitze-data).
Tasa: urteko interes-tasa.
Prezioa: balorearen prezioa (erosketa-prezioa), 100 moneta-unitateko balio nominalari dagokiona.
Diru-itzulketa: 100 moneta-unitateko balio nominalarengatik itzuliko duten zenbatekoa.
Maiztasuna: urteko interes-ordainketen kopurua (1, 2 edo 4).
Adibidea
Balorea 1999.02.15ean erosi da; mugaeguna 2007.11.15 da. Interes-tasa % 5,75ekoa da. Prezioa 95,04287 moneta-unitatekoa da 100 moneta-unitateko balio nominalagatik; itzuliko den balioa 100 unitatekoa da. Interesa urtean birritan ordaintzen bada (maiztasuna = 2) eta oinarria 0 bada, zenbatekoa da etekina?
=YIELD("1999-02-15"; "2007-11-15"; 0,0575 ;95,04287; 100; 2; 0) funtzioak 0,065 edo ehuneko 6,50 itzultzen du.
YIELDDISC
Interesik gabeko balore baten urteko etekina kalkulatzen du.
Sintaxia
YIELDDISC(Likidazioa;Mugaeguna;Prezioa;Diru-itzulketa;Oinarria)
Likidazioa: balorea erosi zen data.
Mugaeguna: balorea mugaeguneratzen den data (iraungitze-data).
Prezioa: balorearen prezioa (erosketa-prezioa), 100 moneta-unitateko balio nominalari dagokiona.
Diru-itzulketa: 100 moneta-unitateko balio nominalarengatik itzuliko duten zenbatekoa.
Adibidea
Interesik gabeko balore bat erosi da 1999/02/15ean; 1999/03/01ean mugaeguneratzen da. Prezioa 99,795 moneta-unitatekoa da 100 moneta-unitateko balio nominalagatik; itzuliko den balioa 100 unitatekoa da. Oinarria 2 bada, zenbatekoa da etekina?
=YIELDDISC("1999-02-15"; "1999-03-01"; 99,795; 100; 2) funtzioak 0,052823 edo ehuneko 5,2823 itzultzen du.
YIELDMAT
Interesa mugaegunean ordaintzen den balore baten urteko etekina kalkulatzen du.
Sintaxia
YIELDMAT(Likidazioa;Mugaeguna;Jaulkipena;Interesa;Prezioa;Oinarria)
Likidazioa: balorea erosi zen data.
Mugaeguna: balorea mugaeguneratzen den data (iraungitze-data).
Jaulkipena: tituluaren jaulkipen-data.
Tasa: tituluaren jaulkipen-dataren interes-tasa.
Prezioa: balorearen prezioa (erosketa-prezioa), 100 moneta-unitateko balio nominalari dagokiona.
Adibidea
Titulua 1999-3-15ean erosi zen, eta 1999-11-3an iraungitzen da. Likidazio-eguna 1998-11-8 zen. Interes-tasa % 6,25 da, eta prezioa 100,0123 unitatekoa da. Oinarria 0 bada, zenbatekoa da etekina?
=YIELDMAT("1999-03-15"; "1999-11-03"; "1998-11-08"; 0,0625; 100,0123; 0) funtzioak 0,060954 edo ehuneko 6,0954 itzultzen du.