InputBox funtzioa
Gonbita bistaratzen du erabiltzaileak testua sar dezakeen elkarrizketa-koadroan. Sarrera aldagai bati esleitzen zaio.
InputBox instrukzioa testua elkarrizketa-bidez sartzeko metodo egokia da. Sarrera berresteko sakatu Ados edo Itzulera-tekla. Sarrera funtzioaren itzulera-balio gisa itzultzen da. Elkarrizketa-koadroa Utzi botoiaren bidez ixten baduzu, InputBox instrukzioak zero luzerako katea ("") itzultzen du.
Sintaxia:
InputBox (Mezua As String[, Titulua As String[, Lehenetsia As String[, x_pos As Integer, y_pos As Integer]]]])
Itzulera-balioa:
Katea
Parametroak:
Mezua : elkarrizketa-koadroan mezu gisa bistaratzen den kate-adierazpena.
Titulua: elkarrizketa-koadroko titulu-barran bistaratzen den kate-adierazpena.
Lehenetsia: testu-koadroan lehenetsi gisa bistaratzen den kate-adierazpena, beste sarrerarik ematen ez bada.
x_pos: elkarrizketa-koadroaren kokaleku horizontala zehazten duen osoko adierazpena. Kokalekua koordenatu absolutua da eta ez dagokio office aplikazioaren leihoari.
y_pos: elkarrizketa-koadroaren kokaleku bertikala zehazten duen osoko adierazpena. Kokalekua koordenatu absolutua da eta ez dagokio office aplikazioaren leihoari.
x_pos eta y_pos kentzen badira, elkarrizketa-koadroa pantailaren erdian kokatuko da. Kokalekua twip-etan zehazten da.
Adibidea:
Sub ExampleInputBox
Dim sText As String
sTestua = InputBox ("Idatzi esaldi bat:","Erabiltzaile hori")
MsgBox ( sTestua , 64, "Esaldia berretsi")
End Sub