Enmetado, redaktado kaj ligado de tekstaj kadroj

Teksta kadro estas kontenero por teksto kaj grafikaĵoj kiun vi povas meti ien ajn sur paĝo. Vi ankaŭ povas uzi kadron por apliki kolumnan aranĝon al teksto.

Por enmeti tekstan kadron

1. Elektu la tekston kiun vi volas inkluzivi en la kadro.

2. Elektu menuerojn Enmeti - Kadro, and click OK.

Por redakti tekstan kadron

• Por redakti la enhavon de teksta kadro, alklaku en la kadron, kaj faru la deziratajn ŝanĝojn.

• Por redakti kadron, elektu la kadron, dekstre alklaku, kaj tiam elektu formatadan agordon. Vi ankaŭ povas dekstre alklaki la elektitan kadron, kaj elekti menueron Kadro.

• Por aligrandigi tekstan kadron, alklaku eĝon de la kadro, kaj ŝovu iun el la eĝoj aŭ anguloj de la kadro. Tenu je Maj dum vi ŝovas por konservi la proporcion de la kadro.

Por kaŝi tekston kontraŭ presado

Ĉiu teksta kadro de Verkilo estas agordebla al reĝimo kiu permesas vidi la tekston surekrane, sed kaŝas la tekston dum presado.

1. Elektu la tekstan kadron (videblas la ok teniloj)

2. Elektu je Formato - Kadro kaj objekto - Atributoj - Agordi

3. En la areo Atributoj, malmarku la markobutonon Presi kaj alklaku butononAkcepti.

Por ligi tekstajn kadrojn

Oni povas ligi tekstajn kadrojn de Verkilo por ke iliaj enhavoj aŭtomate fluu de unu kadro al alia.

1. Alklaku la eĝon de kadro ligotan. Elektiloj aperos ĉe la eĝoj de la kadro.

2. En la breto Kadro, alklaku la bildsimbolon Ligi kadrojn .

3. Alklaku la kadron al kiu ligi.

Eblas ligi kadrojn nur se:

• La cela kadro estas vaka.

• La cela kadro ne estas ligita al alia kadro.

• La fonta kaj cela kadroj situas en la sama sekcio. Ekzemple, ne eblas ligi kapan kadron al pieda kadro.

• La fonta kadro ne havas sekvan ligilon.

• La cela aŭ fonta kadro ne estas entenita unu en la alia.

Kiam oni elektas ligitan kadron, vidiĝos linio kiu ligas la ligitajn kadrojn.