Krucreferencoj
Jen kie enmeti la referencojn aŭ referencitajn kampojn en la aktualan dokumenton. Referencoj estas referencitaj kampoj en la sama dokumento aŭ en subdokumentoj de ĉefa dokumento.
La avantaĝo de enmeti transreferencon kiel kampon estas ke oni ne bezonas modifi la referencojn mane ĉiufoje kiam oni ŝanĝas la dokumenton. Nur ĝisdatigu la kampojn per F9 kaj ĝisdatiĝos ankaŭ la referencoj en la dokumento.
Tipo
Listigas la haveblajn kampotipojn. Por aldoni kampon al via dokumento, alklaku kampotipon, alklaku kampon en la Elekto-listo, kaj tiam alklaku Enmeti. La jenaj kampoj estas haveblaj:
Tipo |
Signifo |
Agordi referencon |
Agordi celon por referencita kampo. Ĉe Nomo, enmetu nomon por la referenco. Kiam oni enmetas la referencon, la nomo aperos kiel identigilo en la lista kadro Elektaĵo. En HTML-dokumento, malatentiĝos referencaj kampoj enmetitaj tiel. Por la celo en HTML-dokumento, oni devas enmeti legosignon. |
Enmeti referencon |
Enmeti referencon al alia loko en la dokumenton. Necesas unue difini la rilatan tekstan lokon per "Agordi referencon". Alie, ne eblas enmeti referencon elektante kampan nomon ĉe Elektaĵo. En ĉefaj dokumentoj, oni ankaŭ povas referenci de iu subdokumento al alia. Notu ke la referenca nomo ne aperos en la elektaĵa kampo kaj necesas mane enmeti ĝin. En HTML-dokumento, malatentiĝos referencaj kampoj enmetitaj tiel. Por referencaj kampoj en HTML-dokumento, necesas enmeti hiperligilon. |
Titoloj |
La Elektujo vidigas liston de ĉiuj titoloj en la ordo de ties apero en la dokumento. |
Nombritaj alineoj |
La Elekto-ujo vidigas liston de ĉiuj numeritaj titoloj kaj numeritaj alineoj en la ordo de ties apero en la dokumento. |
Legosignoj |
Enmetinte legosignon en la dokumenton per Enmeti - Legosigno, la legosigna elemento en la langeto Referencoj fariĝos uzebla. Oni povas uzi legosignojn por marki specifajn tekstopartojn en dokumento. En teksta dokumento, oni povas uzi legosignojn, ekzemple, por salti de iu parto de la dokumento al alia. En HTML-dokumento, tiuj legosignoj fariĝas ankrojn <A nomo>, kiuj difinas la celon de hiperligiloj ekzemple. |
Piednotoj |
Se viaj dokumentoj enhavas piednoton, vi povas elekti la elementon Piednotoj. Referenco al piednoto liveras la piednotnumeron. |
(Enmetitaj objektoj kun apudskriboj) |
Vi povas krei referencojn al objektoj kiuj havas apudskribojn. Ekzemple, enmetu bildon, dekstre alklaku la bildon, elektu Apudskribo. Nun la objekto aperas numerite "Ilustraĵo" en la listo. |
Referencoj estas kampoj. Por forigi referencon, forigu la kampon. Se vi agordis pli longan tekston kiel referencon kaj ne volas denove enmeti ĝin, foriginte la referencon, elektu la tekston kaj kopiu ĝin al la tondejo. Tiam vi povas denove enmeti ĝin kiel "neformatita teksto" ĉe la sama loko per la komando Redakti - Alglui speciale. La teksto restos dum la referenco foriĝos.
Elektaĵo
Listigas la disponeblajn kampojn por la kampa tipo markita en la listo Tipo. Por enmeti kampon, alklaku la kampon, kaj elektu formaton en la listo "Enmeti referencon al", kaj klaku al Enmeti.
To quickly insert a field from the list, hold down CommandCtrl and double-click the field.
En la listo Enmeti referenco al, alklaku la formaton kiun vi volas uzi.
Enmeti referencon al
Elektu la formaton uzotan por la elektita referenca kampo. La jenaj formatoj disponeblas.
Formato |
Signifo |
Paĝo |
Enmetas la numeron de la paĝo kiu enhavas la referencan celon. |
Referenco |
Enmetas la tutan referencocelan tekston. Por piednotoj ties numero estas enmetata. |
Supre/Malsupre |
Enmetas je "super" aŭ "sub", depende de la loko de la referenca celo relative al la loko de la referenca kampo. |
Kiel paĝostilo |
Enmetas la numeron de la paĝo kiu enhavas la referencan celon, laŭ la formato specifita en la paĝa stilo. |
Numero |
Enmetas la numeron de la titolo aŭ numerata alineo, inkluzivante superajn nivelojn depende de la kunteksto. Vidu noton sub ĉi tiu tabelo por pli da informoj. |
Numero (sen kunteksto) |
Enmetas nur la numeron de la titolo aŭ numerata alineo. |
Numero (plena kunteksto) |
Enmetas la numeron de la titolo aŭ numerata alineo, inkluzivante ĉiujn superajn nivelojn. |
Ĉapitro |
Enmetas la numeron de la ĉapitro kiu enhavas la referencan celon. |
Kategorio kaj numero |
Enmetas la kategorion (apudskriba tipo) kaj la numeron de la referencocelo. Ĉi tiu agordo nur haveblas se la referencocelo estas objekto kun apudskribo. |
Apudskriba teksto |
Enmetas la apudskriban etikedon de la referencocelo. Ĉi tiu agordo nur haveblas se la referencocelo estas objekto kun apudskribo. |
Numerado |
Enmetas la apudskriban numeron de la referencocelo. Ĉi tiu agordo nur haveblas se la referencocelo estas objekto kun apudskribo. |
La formato "Nombro" enmetas la numeron de la titolo aŭ numerata alineo. La superaj niveloj estas inkluzivitaj depende de la kunteksto, laŭ bezono.
Ekzemple, se vi estas en ĉapitro 1, subĉapitro 2, subparto 5, ĉi tio estas numerebla kiel 1.2.5. Kiam vi enmetas referencon ĉi tien al teksto en la antaŭa subparto "1.2.4" kaj aplikas la formaton "Numero", tiam la referenco estos vidigata kiel "4". Se en ĉi tiu ekzemplo la numerado estas agordata por montri pli da subniveloj, la sama referenco estos vidigataj kiel "2.4" aŭ "1.2.4", depende de la agordo. Se vi uzas la formaton "Numero (tuta kunteksto)", vi ĉiam vidos "1.2.4", kiel ajn la numerita alineo estas formatita.
Nomo
Tajpu la nomon de la propra kampo kreota. Por agordi celon, alklaku je "Agordi referencon" en la listo Tipo, tajpu nomon en tiu kadro, kaj alklaku je Enmeti. Por referenci la novan celon, alklaku la celan nomon en la listo Elektaĵo.
En ĉefa dokumento, celoj kiuj estas en malsamaj subdokumentoj ne vidiĝas en la listo Elektaĵo. Se oni volas enmeti referencon al tia celo, oni devas tajpi la vojprefikson kaj la nomon en la kadro Nomo .
Se oni elektas tekston en la dokumento, kaj enmetas referencon, la elektita teksto fariĝas la enhavo de la nova kampo.