Usar documentos maestros y subdocumentos

Un documentu maestru fai posible el manexu de documentos de gran tamañu, por exemplu un llibru con munchos capítulos El documentu maestru pue considerase una especie de contenedor de distintos ficheros de LibreOffice Writer. Los ficheros concretos llámense subdocumentos.

Pa crear un documentu maestru

1. Siga unu d'estos procedimientos:

• Escueya Ficheru - Nuevu - Documentu maestru.

• Abrá un documentu esistente y escueya Ficheru - Unviar - Crear documentu maestru.

2. Al crear un documentu maestru, la primera entrada del Navegador tien de ser de Testu. Escriba una introducción o daqué de testu. D'esta miente asegúrase de que dempués d'editar un estilu esistente del documentu maestru, va ver l'estilu camudáu al ver los subdocumentos.

3. Nel Navegador de documentos maestros (si nun s'abre de forma automática, calque F5), col iconu Inxertar calcáu, faiga una de les aiciones siguientes:

• Pa inxertar un ficheru esistente como un subdocumentu, escueya Ficheru, alcontrar el ficheru que quieras incluyir, y escueya OK.

• Pa crear un nuevu subdocumentu, escueya Nuevu documentu, escriba un nome de ficheru y calque Guardar.

• Pa inxertar testu dientro d'un subdocumentu, escueya Testu. Entós escriba'l testu. Nun pue inxertar testu despues de la entrada de testu yá esistente nel navegador.

4. Escueya Ficheru - Guardar.

Pa editar un documentu maestru

Use'l Navegador pa reorganizar y editar los subdocumentos nun documentu maestru.

• Si deseya editar un subdocumentu, nel Navegador faiga doble clic nel nome del subdocumentu p'abrir.

• Pa quitar un subdocumentu del documentu maestru, na llista del Navegador faiga clic col botón derechu nel subdocumentu y escueya Desaniciar. Nun se desaniciar el subdocumentu, sinón solamente la so entrada na llista del Navegador.

• P'amestar testu a un documentu maestru, faiga clik derechu na llista del Navegador, entós escueye Inxertar - Testu. Una seición de testu esta inxertáu enantes del ítem escoyida nel documentu maestru, onde pue tipear el testu deseyáu. Nun pue inxertar testu axuntu a una entrada de testu esistente nel Navegador..

• Pa reordenar los subdocumentos d'un documentu maestru, arrastre un subdocumentu a un allugamientu nuevu na llista del Navegador. Tamién pue escoyer un subdocumentu na llista y faer clic nel símbolu Mover escontra baxo o Mover escontra riba.

• P'amestar un índiz, por exemplu un índiz de conteníu, col botón derechu faiga clic na llista del Navegador y escueya Inxertar - Índiz.

Pa empecipiar cada subdocumentu nuna páxina nueva

1. Compruebe que cada subdocumentu empiece con una testera qu'use'l mesmu estilu de párrafu, como "Testera 1".

2. In the master document, choose View - Styles, and click the Paragraph Styles icon.

3. Calque col botón derechu del mur sobre "Testera 1" y escueya Modificar.

4. Faiga clic na llingüeta Fluxu del testu.

5. Nel área Saltos, escueya Inxertar y, de siguío, escueya “Páxina” nel cuadru Tipu.

6. Si deseya que cada subdocumentu empiece nuna páxina impar escueya Con estilu de páxina y escueya "Páxina derecha" nel cuadru.

7. Calque Aceutar.

Pa esportar un documentu maestru como documentu de testu de LibreOffice

1. Escueya Ficheru - Esportar.

2. Na llista Formatu de ficheru, escueya un formatu de ficheru de documentu de testu y faiga clic en Esportar.