Grabar y amosar cambeos
La función de revisión ta disponible en LibreOffice pa documentos de testu y de fueya de cálculu.
Cuando dellos autores trabayen nel mesmu testu o fueya de cálculu la función de revisión rexistra y amuesa quién fixo los diversos cambeos. Na edición final del documentu ye posible comprobar cada cambéu concretu y decidir si tien d'aceutase o refugar.
Por exemplu: usté ye un editor y va apurrir l'últimu informe. Pero enantes de publicar l'informe tien de lleelo un editor xefe y un corrector de pruebes, y dambos van amestar los sos cambeos. L'editor xefe escribe "esclariar" dempués d'un párrafu y tacha otru dafechu. El corrector de pruebes revisa la ortografía del documentu y anota dos exemplos onde les referencies concretes al sexu d'una persona imaxinaria podríen camudase pa evitales dafechu.
Usté recibe'l documentu con toes estos cambeos y pue aceutar o refugar les suxerencies de los otros dos autores.
Per otru llau, supongamos qu'unviara una copia del documentu per corréu electrónicu a un colega, que tamién trabayó cola mesma tema, por que-y dea dellos conseyos, y tamién recibe una copia coles correiciones correspondientes.
Por cuenta de que tolos sos compañeros y xefes na empresa trabayen con LibreOffice, pue producir una versión final del documentu a partir de les resultancies que reciba.