Guetar - La busca de testu completu

La función de busca de testu completu de l'Ayuda de LibreOffice dexa atopar documentos d'Ayuda que contengan una combinación cualesquier de los términos de busca. Pa ello, escriba una o más pallabres nel cuadru de testu Términu de busca.

El cuadru de testu Términu de busca guarda les últimes pallabres introducíes. Pa repitir una busca, calque nel símbolu de flecha y escueya el términu na llista.

Una vegada efeutuada la busca, les testeres del documentu de les resultancies van apaecer nuna llista clasificada por orde de coincidencia; los meyores resultaos van ocupar les posiciones cimeres. Calque dos vegaes nuna de les entraes o escuéyala y calque Amosar pa cargar el documentu d'Ayuda correspondiente.

Con ayuda del caxellu de verificación Guetar namái en títulos pue llindar la busca a los títulos de los documentos.

El caxellu de verificación Namái pallabres completes déxa-y realizar una busca esacta. Si esti caxellu de verificación ta activada, nun se van guetar partes de pallabres. Nun active esti caxellu de verificación si deseya atopar el términu de busca como parte d'una pallabra mayor.

Pue introducir la combinación de términos de busca que meyor convénga-y, anque siempres dixebraos per espacios. La busca realízase ensin faer diferenciación ente mayúscules y minúscules.

Iconu de conseyu

Les busques d'índiz y testu completu siempres s'apliquen al programa de LibreOffice que tea escoyíu. Escueya l'aplicación pertinente por aciu el cuadru de llista qu'hai na barra de ferramientes del visor de l'Ayuda.