Asistente pa cuadros combinaos / cuadros de llista: Seleición de tabla

Especifica una tabla d'ente les disponibles na base de datos que contién el campu de datos que'l so conteníu tien d'amosase como entrada de la llista.

P'aportar a esti comandu...

Abra la barra de ferramientes Campos de control de formulariu, faiga clic nel iconu Cuadru combináu o Cuadru de llista y arrastre el mur pa xenerar el campu. El formulariu tien de tener conexón cola base de datos: Asistente - Páxina 1.

Nel casu de los llistaos indica una tabla que pue enllazase cola tabla de formulariu actual. La tabla d'enllaz tien de tener a lo menos un campu de mancomún cola tabla del formulariu actual. D'esta forma pue establecese una referencia que nun seya ambigua.

Nel casu de los cuadros combinaos tien d'esistir una rellación ente la tabla de formulariu y la tabla que contién los datos que tienen d'amosase nel campu combinao.

Tabla

Nel campu Tabla, escueya la tabla col campu de datos que'l so conteníu tenga d'amosase nel campu de control.

Nes Propiedaes del campu de control amuésase la tabla indicada, como parte d'un comandu SQL nel cuadru Conteníu de llista.