Secuencia d'activación

El diálogu Orde de tabulación dexa modificar l'orde en que los campos de control llogren el focu cuando l'usuariu calca la tecla de tabulación.

Si inxerten elementos de formulariu nun documentu, LibreOffice determina automáticamente en qué orde se debe dir d'un campu de control al siguiente al calcar la tecla de tabulación. Cada campu de control que s'amiesta asítiase automáticamente a la fin de la serie. El diálogu Secuencia d'activación dexa axustar l'orde d'esta serie a les sos necesidaes individuales.

Pue definise tamién l'índiz d'un campu de control al traviés de les sos propiedaes específiques, indicando'l valor deseyáu en Orde nel diálogu Propiedaes del campu de control.

Pue escoyese un botón de opcion dientro d'un grupu cola tecla Tabulador, cuando unu d'estos botones foi "escoyíu". Si diseñó un grupu de botones d'opción ensin definir unu d'ellos como "escoyíu", l'usuariu nun va poder escoyer nenguna opcion dientro del grupu col tecláu.

Elementos de control

Llista tolos campos de control del formulariu. Estos controles puen escoyese cola tecla de tabulación nel orde axustáu de riba abaxo. Escueya un campu de control de la llista Campos de control p'asigna-y la posición que deseye nel orde de tabulación.

Mover escontra riba

Faiga clic nel botón Mover escontra riba por que'l campu de control escoyíu xuba una posición nel orde de tabulación.

Mover escontra abaxo

Faiga clic nel botón Mover escontra baxo por que'l campu de control escoyíu baxe una posición nel orde de tabulación.

Orde automáticu

Faiga clic nel botón Orde automáticu pa ordenar automáticamente los campos de control según la so posición nel documentu.