Validez de conteníos de caxella

Pue definir les entraes que son válides pa cada caxella. Les entraes non válides nuna caxella van refugase.

La regla de validez activar al especificar un valor nuevu. Si na caxella yá s'inxertó un valor incorrectu, o si inxerta un valor colos métodos d'abasnar y asitiar o copiar y pegar, la regla de validez nun surte efeutu.

En cualquier momentu pue escoyer Ferramientes - Detective y escoyer el comandu Marcar datos incorrectos pa ver les caxelles que contienen valores que nun son válidos.

Trabayar cola validez del conteníu de caxelles

Escueya les caxelles pa les que deseya definir una regla de validez.
Escueya Datos - Validez.
Na llingüeta Criterios, especifique les condiciones de los valores nuevos que s'inxerten en caxelles.
Nel campu Permitir, escueya una opción.
Si escueye "Númberos enteros", nun se dexen valores del tipu "12,5". Al escoyer "Fecha", los datos de les feches puen especificase en formatu local o como fecha serie. Coles mesmes, la condición "Hora" dexa especificar valores del tipu "12:00" o númberos d'hora serie. La condición "Llargor de testu" establez que les caxelles namái puen contener testu.

Escueya "Llista" pa inxertar una llista d'entraes válides.
Escueya la condición siguiente en Datos. Podrán escoyese otres opciones en función de lo que s'escueya.

N'estableciendo les condiciones pa la validez de caxelles, les otres dos llingüetes sirven pa crear cuadros de mensaxe:

Escriba'l títulu y el testu de l'Ayuda emerxente, que s'amuesa al escoyer la caxella, na llingüeta Ayuda d'entrada
Na llingüeta Mensaxe de fallu escueya l'aición que tenga de realizase en casu de fallu.

Si escueye l'aición "Detener" nun s'aceuten les entraes incorrectes y caltiense el conteníu anterior de les caxelles.

Escueya "Avisu" o "Información" pa ver en pantalla un diálogu nel que poder aceutar o encaboxar la entrada.

Si escueye "Macro", pue utilizar el botón Guetar pa especificar la macro que se debe executar en casu de fallu.

Por que se vea en pantalla'l mensaxe de fallu, escueya Amosar mensaxe de fallu al introducir valores incorrectos.

Macro d'exemplu:

Function ExampleValidity(CellValue as String, TableCell as String)
Dim msg as string
msg = "Invalid value: " & "'" & CellValue & "'"
msg = msg & " in table: " & "'" & TableCell & "'"
MsgBox msg ,16,"Error message"
End Function

Si na llingüeta Mensaxe de fallu modificó l'aición d'una caxella y salió del diálogu con Aceutar, ye precisu que primero escueya otra caxella primero que'l cambéu seya efeutiva.

Datos - Validez