Convertir testu a númberos
Calc convierte'l testu nes caxelles a los valores numbéricos respectivos si ye posible una conversión ensin ambigüedaes. Si nun ye posible realizar nenguna conversión, Calc amuesa un fallu #VALOR!
Namái se converten los númberos enteros incluyíos los esponentes, y les feches y hores ISO 8601 nos sos formatos ampliaos con separadores. Cualesquier otra cosa, como númberos fraccionarios con separadores decimales o feches distintes a les de ISO 8601 nun se convierte, una y bones la cadena de testu va depender de la configuración rexonal. Los espacios en blancu iniciales y finales van ignorase.
Conviértense los siguientes formatos ISO 8601:
-
SSAA-MM-DD
-
SSAA-MM-DDThh:mm
-
SSAA-MM-DDThh:mm:ss
-
SSAA-MM-DDThh:mm:ss,s
-
SSAA-MM-DDThh:mm:ss.s
-
hh:mm
-
hh:mm:ss
-
hh:mm:ss,s
-
hh:mm:ss.s
El códigu de sieglu SS nun tien d'omitir se. En cuenta de la fecha T y el separador d'hores, pue utilizase esactamente un caráuter d'un espaciu.
Si apúrrese una fecha, ten de ser una fecha válida del calendariu gregorianu. Nesti casu, la hora opcional tien d'atopase dientro del intervalu ente 00:00 y 23:59:59.99999...
Si namái s'apurre una cadena de tiempu, pue tener un valor d'hores de más de 24, ente que los minutos y los segundos puen tener un valor máximu de 59.
La conversión realízase namái p'argumentos cenciellos, como en =A1+A2, o ="1Y2"+1. Los argumentos de rangos de caxelles nun se ven afectaos, polo que SUMA(A1:A2) difier d'A1+A2 si siquier una de los dos caxelles contién una cadena convertible.
Les cadenes dientro de les fórmules tamién se converten, como ="1999-11-22"+42, que devuelve la fecha 42 díes dempués del 22 de noviembre de 1999. Los cálculos qu'impliquen feches alcontraes como cadenes dientro de la fórmula dan como resultáu un fallu. Por exemplu, la cadena de fecha alcontrada "11/22/1999" o "22.11.1999" nun pue utilizase pa la conversión automática.
Exemplu
N'A1 escriba'l testu '1y2 (que se convierte de forma interna nel númberu 100).
N'A2 escriba =A1+1 (que da como resultancia correcta 101).