Referencies a otres fueyes

Pue amosar nuna caxella d'una fueya una referencia a una caxella d'otra fueya.

De la mesma mou, tamién pue crease una referencia nuna caxella d'otru documentu, siempres qu'esti documentu yá se guardara como ficheru.

Referencia a una caxella nel mesmu documentu

1. Abra una fueya de cálculu balera.

2. Como exemplu, introduza la fórmula siguiente na caxella A1 de la Fueya1:

   =Fueya2.A1

3. Faiga clic na llingüeta Fueya 2 na parte inferior de la fueya de cálculu. Coloque'l cursor na caxella A1 ya introduza testu o un númberu.

4. Si camuda a la Fueya1, va ver el mesmu conteníu na caxella A1. Si'l conteníu de Fueya2.A1 camuda, tamién va camudar el conteníu de Fueya1.A1.

Pa faer referencia a una caxella n'otru documentu

1. Escueya Ficheru - Abrir pa cargar un documentu de fueya de cálculu.

2. Escueya Ficheru - Nuevu p'abrir un documentu de fueya de cálculu. Coloque'l cursor na caxella na que deseya inxertar los datos esternos ya introduza un signu d'igual pa indicar que va introducir una fórmula.

3. Vaya agora al documentu qu'acaba de cargar. Faiga clic na caxella colos datos que deseya inxertar nel nuevu documentu.

4. Vuelva a la nueva fueya de cálculu. Na llinia d'entrada va ver cómo LibreOffice Calc amestó automáticamente la referencia a la fórmula.

   La referencia a una caxella d'otru documentu contien, nesti orde, el nome del documentu al que fai referencia ente comines simples, un signu d'almadina #, el nome de la fueya del documentu al que fai referencia siguíu d'un puntu y el nome de la caxella.

5. Confirme la fórmula faciendo clic na marca de verificación verde.

6. Si abasna'l cuadru de la esquina inferior derecha de la caxella activa pa escoyer un rangu de caxelles, LibreOffice inxerta automáticamente les referencies correspondientes nes caxelles axacentes. Como resultancia, el nome de la fueya apaez precedíu del signu "$" pa indicar que se trata d'una referencia absoluta.

Si esamina'l nome del otru documentu nesta fórmula, va ver que ta escritu a mou de URL. Esto significa que tamién pue introducir una direición URL d'Internet.