TimeSerial Function

Calcula un valor d'hora serie pa los parámetros d'hora, minutu y segundu especificaos que se pasaren como valores numbéricos. Tamién pue usase esti valor pa calcular la diferencia ente dos hores.

Sintaxis:

TimeSerial (hora, minutu, segundu)

Valor de torna:

Fecha

Parámetros:

hora: Cualquier espresión entera qu'indique la hora utilizada pa determinar el valor d'hora serie. Valores válidos: 0-23.

minutu: Cualquier espresión entera qu'indique'l minutu de la hora utilizada pa determinar el valor d'hora serie. Polo xeneral, úsense valores ente 0 y 59. Sicasí, tamién puen usase valores qu'entepasen esti rangu, en que'l númberu de minutos afecta al valor d'hora.

segundu: Cualquier espresión entera qu'indique'l segundu de la hora utilizada pa determinar el valor d'hora serie. Polo xeneral, úsense valores ente 0 y 59. Sicasí, tamién puen usase valores qu'entepasen esti rangu, en que'l númberu de segundos afecta al valor de minutu.

Exemplos:

12, -5, 45 corresponder con 11, 55, 45

12, 61, 45 corresponder con 13, 2, 45

12, 20, -2 corresponder con 12, 19, 58

12, 20, 63 corresponder con 12, 21, 4

La función TimeSerial pue usase pa convertir cualquier hora nun valor simple que pue usase pa calcular diferencies ente hores.

La función TimeSerial devuelve'l tipu de datos Variante con VarType 7 (Data). Esti valor almacénase internamente como númberu de precisión doble ente 0 y 0,9999999999. A diferencia de les funciones DateSerial o DateValue, nes que los valores de data serie calcúlense como díes relativos a una fecha fixa, pue facer cálculos colos valores que devuelve la función TimeSerial, pero nun pue evalualos.

Na función TimeValue pue pasase una cadena como parámetru que contién la hora. Sicasí, na función TimeSerial puen pasase los parámetros individuales (hora, minutu, segundu) como espresiones numbériques independientes.

Exemplu:

Sub ExampleTimeSerial

Dim dDate As Double, sDate As String

    dDate = TimeSerial(8,30,15)

    sDate = TimeSerial(8,30,15)

    MsgBox dDate,64,"Hora como númberu"

    MsgBox sDate,64,"Hora con formatu"

End Sub