LibreOffice Base-ko datu-baseak erabiltzea
LibreOffice Base-n, datu-baseen hainbat fitxategi-formatutan gordetako datuak eskuratu ditzakezu. Jatorrian, LibreOffice Base-k fitxategi lauko datu-baseen formatu batzuk onartzen ditu, esaterako, dBase formatua. LibreOffice Base datu-base erlazionaletara konektatzeko ere erabil dezakezu, adibidez, MySQL edo Oracle datu-baseak.
Mota hauetako datu-baseak irakurtzeko soilik dira LibreOffice Base-n. LibreOffice Base-tik ezin da datu-basearen egitura aldatu edo datu-baseko erregistroak editatu, txertatu eta ezabatu mota hauetako datu-baseetan:
-
Kalkulu-orrien fitxategiak
-
Testu-fitxategiak
-
Helbide-liburuko datuak
LibreOffice aplikazioan datu-baseak erabiltzea
-
Datu-basearen fitxategi berri bat sortzeko, aukeratu Fitxategia - Berria - Datu-basea.
Datu-baseen morroiak LibreOffice aplikazioan datu-baseen fitxategiak sortzen eta datu-base berriak erregistratzen laguntzen dizu.
Datu-basearen fitxategiak datu-basearentzako kontsultak, txostenak eta inprimakiak ditu, baita erregistroak gordetzen diren datu-baserako esteka ere. Formatuari buruzko informazioa ere datu-basearen fitxategian gordetzen da. |
-
Datu-basearen fitxategia irekitzeko, aukeratu Fitxategia - Ireki. Fitxategi mota zerrenda-koadroan, hautatu "Datu-basearen dokumentuak" bakarrik ikustea. Hautatu dokumentu bat eta sakatu Ireki.